Հույս ունեմ մի օր քեզ տեսնել «Բարսելոնայում»․ Չավին ողջունել է Զախարյանի տեղափոխությունն Իսպանիա
«Բարսելոնայի» գլխավոր մարզիչ Չավին ողջունել է հայազգի ֆուտբոլիստ Արսեն Զախարյանի տեղափոխությունն Իսպանիա։
Ռուսաստանի հավաքականի կիսապաշտպանը տեղափոխվել է «Ռեալ Սոսյեդադ»։
«Բարև, Արսեն։ Ինչպե՞ս ես, ընկերս։ Հուսով եմ, լավ ես։ Հույս ունեմ մի օր քեզ տեսնել «Բարսելոնայում»։ Ամենայն բարիք ու հաջողություն եմ ցանկանում»,- ասել է Չավին անգլերեն տեսաուղերձով։
Ֆուտբոլիստը հունվարին կատոլանական ակումբի թիրախներից է եղել։ Իսպանացի մարզիչը դեռ հետաքրքրված է Զախարյանի՝ «Կամպ Նոու» տեղափոխվելով։ «Կապտանռնագույնները» ֆինանսական խնդիրներ ունեն, այդ իսկ պատճառով չեն կարողանում շատ ավելի ակտիվ լինել տրանսֆերային շուկայում։