Контрактчы хәрбиләр һәм аларның балаларын көллиятләргә конкурссыз алалар
Контракт буенча хәрби хезмәткәрләр һәм аларның балалары көллият һәм техникумнарга конкурссыз укырга керү хокукына ия. Ярдәм чарасы мәктәп аттестатындагы билгеләргә бәйсез рәвештә һәм максатчан уку өчен килешүсез күрсәтелә. Бу турыда «Татар-информ» хәбәрчесе Дмитрий Шатров яза.
Мондый абитуриентларны имтихансыз гына алмыйлар. Әмма, мәсәлән, баллар саны бертигез булган очракта, махсус операция катнашучылары һәм аларның балаларының өстенлеге булачак. Шул ук вакытта махсус хәрби операциядә һәлак булган яки җитди яраланган хәрбиләр һәм көч ведомстволары хезмәткәрләренең балалары кадет һәм башка хәрби училищеларга конкурссыз кабул ителә алачак.
Яңа оештырылган «Батыр» батальонына эләгү, хәрби хезмәткә керү өчен контракт төзүчеләргә ташламалар, махсус операциядә катнашучыларга түләүләр һәм бүген Россия Федерациясе Кораллы көчләрендә иң кирәкле белгечлек турында «Татар-информ» материалында укыгыз.
- РФ Кораллы көчләре сафларында контракт буенча хезмәт итү, шулай ук премияләр, ташламалар һәм түләүләр турында heroes-tatarstan.ru сайтында яки 117 телефоны буенча белергә була.