Homing Expo 2024․ վերանորոգման ու կահավորման լավագույն առաջարկները՝ մեկ վայրում (տեսանյութ)
Homing Expo 2024. Big Projects ընկերության հերթական հաջողված նախագիծն արդեն իրականություն է:
Առաջին անգամ կազմակերպված Homing Expo 2024-ը, որը Big Projects ընկերության կողմից կազմակերպվող Toon Expo-ի տրամաբանական շարունակությունն է, մեկ հարկի տակ էր մեկտեղել հատուկ առաջարկներով ու զեղչերով ներկայացած 70-ից ավելի ընկերությունների:
Կազմակերպիչներն ընդգծում են՝ Homing Expo-ն կազմակերպվում է առաջին, բայց, վստահաբար, ոչ վերջին անգամ:
«Շատ ուրախ ենք բիզնեսների ակտիվության համար, քանի որ առաջին անգամվա համար մենք այս հարթակում ներկայացնում ենք 70-ից ավելի ընկերությունների՝ շուրջ 15 և ավելի ոլորտներից:
Յուրաքանչյուր ոլորտից մասնակցում է ոչ թե մեկ, այլ մի քանի ընկերություն, և այցելուն ունի հնարավորություն միանգամից մեկ հարթակում տեսնելու շատ տարբեր ընկերությունների, համեմատելու առաջարկները:
Ամենակարևոր բանն այն է, որ ցուցահանդեսն ունի հստակ ձևաչափ՝ բոլոր ընկերությունները պետք է հանդես գան հատուկ զեղչերով ու առաջարկներով: Այսպիսով՝ այցելուն ոչ միայն խնայում է իր ժամանակը, այլև՝ կլորիկ գումար»,- ասում է Big Projects ընկերության համահիմնադիր, հանրային կապերի պատասխանատու Դիանա Հարոյանը:
Homing Expo-ն վերանորոգման, կահավորման, էքստերիեր-ինտերիեր դիզայնի և հարակից ոլորտների խոշոր ցուցահանդես է, որը կտևի 3 օր՝ հունիսի 7-9:
Homing Expo-ի գլխավոր հովանավոր Masoor Studio ընկերությունը, որը շուկայում է արդեն 3 տարի, ցուցահանդեսին ներկայացել էր ամենամեծ տաղավարով: Ընկերության տնօրեն Սամվել Հովսեփյանը կարևորում է ոլորտում նմանատիպ ցուցահանդեսների զարգացման գործում ներդրումը.
«Երբ գնում ու տեսնում ենք դրսի ցուցահանդեսները, թե որքան մեծամասշտաբ են, որքան օգտակար են թե՛ ընկերությունների, թե՛ սպառողների համար, ցանկանում ու փորձում ենք այդ պրակտիկան ներդնել Հայաստանում, իսկ Big Projects-ը շատ լավ գործընկեր է այդ ամենն իրականացնելու համար»:
Կանաչապատում, օդափոխություն, ջեռուցում, անվտանգային համակարգեր, կենցաղային տեխնիկա և ոչ միայն. ամեն ինչ ներկայացված է: Total ընկերությունը էքսպոյին մասնակցում է մեծ ու բազմազան տեսականիով:
«Սա մի մեծ հարթակ է, որտեղ յուրաքանչյուր ընկերություն կարողանում է իր վերջնական սպառողի հետ ուղիղ կոնտակտի մեջ լինել»,-ասում է «Մեհրաբյան և որդիներ» ընկերության մարքեթինգի բաժնի ղեկավար Նաիրա Գրիգորյանը:
«Զիգզագ» ընկերությունը ևս միացել է նախադեպը չունեցող այս խոշոր ցուցահանդեսին: «Մենք մեզ համարում ենք հետաքրքիր խաղացող այս ոլորտում, այս էքսպոյին մասնակիցները մեր կողմից կստանան հետաքրքիր առաջարկներ և լուծումներ: Այս էքսպոյին երկար ենք պատրաստվել»,- ասում է «Զիգզագ» ընկերության կոմերցիոն տնօրեն Հայկանուշ Տոնոյանը:
Ashley Home Store-ի վաճառքի բաժնի ղեկավար Մարիամ Ծատուրյանն էլ նշում է, որ իրենք առաջինն էին, որ հավատացին Homing Expo-ի կայացմանը, քանի որ Big Projects-ի հետ աշխատելու փորձառություն ունեին. «Այս էքսպոյին սիրով ներկայացնում ենք մեր առաջարկները, բեսթսելլերները»:
Հասարակական ու մասնավոր տարածքների համար կոմպլեքս կահավորման հարմարավետ պայմաններ առաջարկող Living’s Signature ապրանքանիշը էքսպոյին միացել է՝ յուրօրինակ տաղավարով:
«Էքսպոն լավագույն հարթակն է՝ ներկայացնելու մեր ապրանքանիշն ու այստեղ գործում է զեղչային լավագույն առաջարկը»,-ասում է Living’s Signature ապրանքանիշի վաճառքի մենեջեր Վիկտորյա Բալյանը:
Homing Expo-ի շրջանակում սպասվում է նաև խաղարկություն. Խաղարկվելու են ապրանքներ և ծառայություններ, որոնցից յուրաքանչյուրի արժեքը նվազագույնը հազար դրամ է: Խաղարկությունը կամփոփվի ցուցահանդեսի վերջին օրը:
