Семейлік бойжеткен тренд арқылы қала жолдарының мәселесін көтерді
Диана есімді TikTok қолданушысы желідегі танымал биді қайталап, видео түсірген. Ол видеода қала жолдарының жай-күйіне назар аударған. Кадрлардан шұрық-тесік, әбден тозығы жеткен жолдарды көруге болады.
"Өкінішке қарай, біздің қалада бәрі мінсіз емес. Ең үлкен мәселе - жол сапасы. Олардың жағдайы өте нашар, шұңқыр мен тесік көп. Бұл жүргізушілердің алдынан шығатын мәселенің аз ғана бөлігі. Ал біз, қала тұрғындары, үнемі салық төлейміз, сондықтан оның есебінен жол жұмыстарын қаржыландыру керек. Біз көлігімізге зақым келтірмей және көңіл күйімізді бұзбай, қауіпсіз қозғала алатын, қалыпты жолдарға лайық емеспіз бе?", - деп жазды Диана видеоның мәтінінде.
Мәселенің анық-қанығын білу үшін Семей қаласының әкімдігіне ресми сауал жолдадық.