Пожар во Трубарево, гори фабрика за преработка на отпад
Пожар избувна попладнево во компанијата за преработка на отпад „Нула отпад“ во скопско Турбарево.
Во негово гасење се вклучени неколку екипи од Бригадата за противпожарна заштита на град Скопје кои претходно интервенирале и во гаснење на пожар во стара Цементара на ул. „Горноврановска“ во Горно Лисиче, соопштија од Дирекцијата за заштита и спасување.
Директорот Стојанче Ангелов засега не сподели повеќе детали.
Пожарот во Трубарево во кој се зафатени отпадни материи го гаснат неколку противпожарни екипи потврди командирот на скопската противпожарна бригара Звонко Томевски.
Густиот облак од чад е видлив од повеќе делови од Скопје.