“Челси“ Дастан Сәтпаевтың ауысуынан кейін мәлімдеме жасады
Клубтың Instagram-аккаунтында жарияланған роликте командаға жаз мезгілінде қосылған бірнеше ойыншы көрсетілген. Олардың арасында алматылық "Қайраттың" 17 жастағы түлегі де бар.
"Біздің жаңа ойыншыларымыз бейімделіп жатыр", - деп жазды баспасөз қызметі видеоның сипаттамасында.
Айта кетейік, ағылшын клубы қазақстандықтың "Челсиге" қосылғаны туралы әзірге ресми түрде мәлімдеген жоқ.
Дегенмен, әлеуметтік желілерде Сәтпаев жаңа командасының жейдесінде бірнеше рет бой көрсетті.
Instagram-дағы бұл жарияланымды көру
Chelsea FC (@chelseafc) жарияланымы
Сәтпаев - Қазақстанның ең қымбат футболшысы
Еске сала кетейік, Transfermarkt порталының соңғы бағалауы бойынша 17 жастағы Дастан Сәтпаевтың құны 3,5 миллион еуроны құрайды. Бұл көрсеткіш футболшы "Қайрат" сапындағы соңғы ойынын өткізіп, Лондонға аттанғаннан кейін бірден өскен болатын.Қазіргі уақытта ұлттық құрама ойыншыларының ешбірі "Челси" вингерінен жоғары бағаланбайды.
Айта кетейік, Сәтпаевтың Қазақстанмен қоштасу матчі 17 маусымда өтті. Алматыдағы соңғы матчінде шабуылшы командасына "Қызылжарды" 3:0 есебімен тас-талқан етуге көмектесіп, кездесу аяқталған соң естелік жейдеге ие болды және жанкүйерлерге қолдау көрсеткені үшін алғыс айтты.
Instagram-дағы бұл жарияланымды көру
TengriNews | Қазақстан жаңалықтары (@tengrinewskz) жарияланымы