Қазақстанда ауырсынуды басатын препараттың тіркеуі кері қайтарылды

Қазақстанда 100 және 150 миллиграмм таблетка түріндегі "Трамадол Ланнахер" препаратының тіркеу куәлігі кері қайтарылды. Бұл ретте мәселе құрамында трамадол бар барлық дәрі-дәрмекті қайтарып алу туралы болып отырған жоқ - шешім тек бір өндірушінің өнімдеріне қатысты, деп хабарлайды Tengri Health тілшісі.
Препараттар неге кері қайтарылды?100 және 150 миллиграмм "Трамадол Ланнахер" таблеткаларының тіркеу куәлігі ДСМ Медициналық және фармацевтикалық бақылау комитетінің бұйрығымен кері қайтарылды.
Анықтама: "Трамадол Ланнахер" - опиоидты анальгетик трамадол негізіндегі рецепт бойынша берілетін ауырсынуды басатын дәрі. Ол орташа және қатты ауырсынуды азайту үшін қолданылады.


"Аталған дәрілік заттардың тіркеу куәлігін кері қайтарып алу препараттардың сапа, тиімділік немесе қауіпсіздік талаптарына сәйкес келмеуіне байланысты емес", - деп атап өтті ведомство.

Бізге хабарлауы бойынша, бұл тіркеу куәлігінің иесі - "Бауш Хелс" ЖШҚ (Ресей) бастамасымен жүзеге асырылған. Бұған компанияның бизнес-шешімі себеп болған.Қазақстанда трамадол бар қандай препараттар тіркелген?
Комитеттің 2026 жылғы 13 тамыздағы мәліметі бойынша, Қазақстанның дәрілік заттар мемлекеттік тізілімінде құрамында трамадол әсер етуші заты бар таблетка және инъекция түріндегі жеті препарат тіркелген.
Оларды үш өндіруші шығарады:

үндістандық Protech Biopharma Pvt. Ltd. компаниясы,австриялық G.L. Pharma GmbH,қазақстандық "Химфарм" АҚ.

Олар бұрынғыдай Қазақстандағы пациенттерді емдеу үшін қолданыла береді.
Тағы оқыңыз: “Золушка” кешені және плацентадан жасалған препарат: қазақстандық әйелдерге заңсыз дәрі-дәрмек салынғанҚазақстанда дәріханалардағы дәрі-дәрмектер жаңаша тексеріле бастайды