Алматыға Канье Уэст келді: әуежайда оны тыңдармандары ерекше қарсы алды
Музыканттың әйелі Бьянка Цензоримен және командасының бір бөлігімен бірге ұшып келгені белгілі болды. Желідегі видеоға қарағанда, салтанатты қабылдау әртіске қатты әсер еткен, ол айналасындағы көріністерді қызыға телефонына түсіріп алды.
Instagram-дағы бұл жазбаны көру
A post shared by Алматы - Almaty (@almaty.life)
Кейінірек жанкүйерлер рэпердің көлігін қонақүйге бара жатқан жолда байқап қалды. Кейбіреулер онымен селфи жасап үлгерген.
Әлеуметтік желілерде музыканттың командасы жылдам тамақтану мейрамханаларының бірінде асқа тапсырыс беріп жатқан сәті де пайда болды.
@baby_bos79 Канье Уэст (Kanye West), ресми есімін Ye (Йе) деп өзгерткен — америкалық рэпер, музыкалық продюсер, киім дизайнері және долларлық миллиардер. Ол XXI ғасырдағы әлемдік поп-мәдениеттің ең ықпалды, революциялық және сонымен бірге ең даулы тұлғаларының бірі ретінде танылған. (рофл жігіттер) #реки #kanyewest #alamty #kz #fyp ♬ Can't Tell Me Nothing - Kanye West
Канье Уэстің келуі әлеуметтік желілерде қызу талқыланды. Кейбір қолданушылар жұлдыздың келуіне қуанып, әуежайдағы қарсы алу атмосферасын жоғары бағалады. Ал басқалары, керісінше, бұл шараның тым асыра сілтелгенін айтып, оны ресми делегацияларды қабылдаумен теңестірді.
"Канье, қош келдің!".
"Ол сирек күледі, сондықтан бұл қалыпты жағдай".
"Бұл Қазақстан үшін жаңа прайм-дәуір! Мақтанамын, бәрі жоғары деңгейде өтсін".
"Ой, қандай риза!"
"Әрбір әртіске не үшін мұндай қабылдау ұйымдастыру керек? Нағыз жанкүйерлері болса жеткілікті емес пе, біз болсақ президентті күткендей боламыз".
"Ұят-ай, мұндай кешендерден қашан арылады екенбіз?".
"Бәрін осылай қарсы алудың қажеті не? Оны барлық елде осылай ұлттық киіммен қарсы ала ма екен? Мысалы, Германияда оны ұлттық киіммен күтіп алды ма? Біреудің алдында, әсіресе әншілер мен әртістердің алдында жағынудың қажеті жоқ. Бүгінгі бұл көрініс сырт көзге оғаш көрінеді".
Айта кетейік, бүгін 14 тамызда Алматыдағы Орталық стадионда Канье Уэсттің концерті өтеді.
Тағы оқыңыз: Канье Уэст концерті өтетін күні Алматының қай көшелері жабылады