Құрылтай депутаттары ант беріп жатыр

Жаңа бір палаталы Құрылтай депутаттары Қазақстан халқына адал болуға ант беруге кірісті, - деп хабарлайды Tengrinews.kz тілшісі.
Алғашқы болып "Әділет" партиясынан депутат Константин Авершин ант берді."Қазақстан халқына адал қызмет етуге, Қазақстан Республикасының тұтастығы мен тәуелсіздігін нығайтуға, оның Конституциясы мен заңдарына қатаң бағынуға, өзіме жүктелген депутаттың мәртебелі міндеттерін адал атқаруға ант етемін" - делінген ант мәтінінде.
Жұма күні, 28 тамызда Президент бірінші шақырылымдағы Құрылтайдың алғашқы сессиясын ашты.
Тағы оқыңыз: "Қазіргі заман құр уәденің уақыты емес": Тоқаев Құрылтай депутаттарына үндеу жасадыҚазақстанда бір палаталы Парламент
Бір күн бұрын Орталық сайлау комиссиясы бір палаталы Құрылтайдың жаңа депутаттарын тіркеді. Оларға депутат куәліктері мен төсбелгілері табысталды.
Еске салайық, 1 шілдеден бастап Қазақстанда жаңа Конституция күшіне енді. Оны қабылдағаннан кейін Мәжіліс пен Сенат жұмысын тоқтатып, олардың депутаттарының өкілеттігі мерзімінен бұрын тоқтатылды. Екі палаталы Парламенттің орнына бір палаталы Құрылтай құрылды. Жаңа Парламент құрамына бес жыл мерзімге сайланатын 145 депутат кіреді.23 тамызда Қазақстанда Құрылтайдың алғашқы сайлауы өтті. Бұл - 1991 жылдан бері елдегі оныншы парламенттік сайлау және конституциялық реформадан кейінгі алғашқы сайлау.25 тамыздағы жағдай бойынша, дауыс беру қорытынды нәтижелерін мына жерден көруге болады.
Сайлау қорытындысы бойынша Құрылтайға бес саяси партия өтті өтті. Олардың арасында мандаттар келесідей бөлінді:

"Әділет" партиясы – 110 мандат;
Жалпыұлттық социал-демократиялық партия (ЖСДП) – 8 мандат;
"Ауыл" халықтық-демократиялық патриоттық партиясы – 10 мандат;
"Ақ жол" Қазақстан демократиялық партиясы – 8 мандат;
Respublica партиясы – 9 мандат.

Тағы оқыңыз: Жаңа адамдар мен таныс есімдер: Құрылтайдың алғашқы құрамы қандай болды?