Қазақстан байдарка мен каноэде есуден Азиаданың күміс жүлдесін иеленді
Қазақстандық спортшылар Ольга Шмелева мен Татьяна Токарницкая Жапонияның Айти-Нагоя қаласында өтіп жатқан 2026 жылғы Азия ойындарында байдарка мен каноэ есуден күміс медаль иеленді, деп хабарлайды Tengri Sport.
Әйелдер арасындағы 500 метрге байдаркамен есу жарысының финалында Шмелева мен Токарницкая мәреге екінші болып келді. Алтынды Қытай өкілдері иеленсе, қола медаль Өзбекстан құрамасына бұйырды.
Қазақстан қоржынына тағы бір медальді Сергей Емельянов пен Тимофей Емельянов салды. Каноэде есуден 500 метрлік қашықтықта өткен финалда Қазақстан намысын қорғаған спортшылар үшінші нәтиже көрсетіп, қола жүлдегер атанды.
Еске сала кетейік, бұған дейін қазақстандық Владислав Яковлев пен Иван Чернухин Айти–Нагоядағы (Жапония) XX жазғы Азия ойындарының чемпионы атанған болатын.
Осылайша, қазіргі таңда Қазақстан құрамасының еншісінде сегіз алтын, бес күміс және тоғыз қола медаль бар. Жалпы есепте команда Қытай, Жапония және Оңтүстік Кореядан кейін төртінші орында келе жатыр.