Шымкентте еркін күрестен спорт шеберін өлтіру ісі бойынша алты адам сотталып жатыр

Шымкентте еркін күрестен 40 жастағы спорт шебері Василий Колесниковтың өліміне қатысты атышулы іс бойынша сот жарыссөзі басталды. Алты айыпталушыға 22 жылдан 24 жылға дейінгі мерзімге бас бостандығынан айыру жазасын тағайындау сұралды, - деп хабарлайды Tengrinews.kz тілшісі "Жетінші арнаға" сілтеме жасап.

Қылмыс биыл қаңтар айында болған. Сол кезде көшедегі жол-көлік оқиғасы мен төбелестен кейін Шымкент тұрғыны ұрланып, кейін өлтірілгені белгілі болды.

Сотталушылар орындығында Мақсұт Арысбаев, Әлихан Ерімбет, Рауан Іңкәрбеков, Дархан Қызбалаев, Бекасыл Жұманазар және Жанділдә Қуандықов отыр. Тағы бір күдікті Марат Дәуласовқа халықаралық іздеу жарияланған. Болжамды қатысушылардың тағы бірінің жеке басын тергеу анықтай алмады.

Мемлекеттік айыптаушы сотталушыларды алдын ала сөз байласу арқылы кісі өлтіру, кісі өлтіруге оқталу, бұзақылық және адам ұрлау баптары бойынша кінәлі деп тануды сұрады. Прокурор әрқайсысына 22 жылдан 24 жылға дейінгі мерзімге бас бостандығынан айыру жазасын тағайындауды, сондай-ақ жәбірленушінің пайдасына моральдық шығын ретінде 10 миллион теңгеден өндіруді талап етті.

Әңгіме Колесниковпен бірге көлікте болған және жолдағы төбелесте қатты зардап шеккен Мақсат Көшкінбаев туралы болып отыр.

Алты сотталушы мен олардың адвокаттары кісі өлтіру және кісі өлтіруге оқталу айыптарын алып тастауды және осы баптар бойынша ақтауды сұрады. Олардың айтуынша, Василий Колесниковты нақты кім өлтіргенін растайтын дәлелдер жоқ, ал тағылған айыптар болжамдарға негізделген.