Жаңбыр жауып, күн күрт суытады: Астана мен Алматыдағы ауа райы болжамы

Қазгидромет Астана мен Алматыдағы алдағы үш күнге арналған ауа райы болжамын ұсынды. Мегаполистерде 13, 14 және 15 қазанда ауа райы қандай болатыны Tengrinews.kz материалында.

Синоптиктердің мәліметінше, Астана мен Алматыда жылы ауа райы біртіндеп күзгі салқынға ұласады. 15 қазанға қарай елордада түнде үсік жүреді деп болжанса, Алматыда найзағай ойнап, жаңбыр жауады.

Астанадағы ауа райы

13 қазанда күн құбылмалы, жауын-шашынсыз. Батыс бағытындағы желдің жылдамдығы секундына 3-8 метрге жетеді. Ауа температурасы түнде +2...+4 градус, күндіз +13...+15 градус болады.

14 қазанда күн құбылмалы, жауын-шашынсыз. Солтүстік-шығыстан соғатын желдің жылдамдығы секундына 3-8 метрге жетеді. Ауа температурасы түнде +2...+4 градус, күндіз +14...+16 градус болады.

15 қазанда күн құбылмалы, жауын-шашынсыз. Солтүстік-шығыстан соғатын желдің жылдамдығы түнде секундына 3-8, күндіз 7-12 метрге жетеді. Ауа температурасы түнде -2...-4 градус, күндіз +5...+7 градус болады.

Алматыдағы ауа райы

13 қазанда күн құбылмалы, жауын-шашынсыз. Солтүстік-шығыстан соғатын желдің жылдамдығы секундына 3-8 метрге жетеді. Ауа температурасы түнде +10...+12 градус, күндіз +20...+22 градус болады.

14 қазанда күн құбылмалы, жауын-шашынсыз. Солтүстік-шығыстан соғатын желдің жылдамдығы секундына 3-8 метрге жетеді. Ауа температурасы түнде +7...+9 градус, күндіз +20...+22 градус болады.

15 қазанда күн құбылмалы, кей уақытта жаңбыр жауып, күндіз найзағай ойнайды. Солтүстік-шығыстан соғатын желдің жылдамдығы секундына 3-8 метр, күндіз екпіні 13 метрге дейін жетеді. Ауа температурасы түнде +7...+9 градус, күндіз +15...+17 градус болады.

Қазақстанда қар жауып, үсік жүреді

Бұған дейін синоптиктер Қазақстанда 13-15 қазан аралығында ауа райы құбылмалы болатынын хабарлаған еді. Елдің басым бөлігінде жаңбыр мен қар жауып, кей өңірлерде көктайғақ болады деп болжанады. Сондай-ақ жел күшейіп, түнде және таңертең кей жерлерде тұман түсуі мүмкін. Толығырақ мына жерден оқыңыз.