“Дағыстанға 2-3 жылға жіберу керек“: Ислам Махачев UFC чемпионын келемеждеді
UFC-дің аустралиялық чемпионы жанкүйерлерімен ерекше бейнесін бөлісті. Әдетте Александр Волкановски басын тақырлап алып жүреді, бірақ бұл жолы ол әлеуметтік желіде Street Fighter фильмінің түсірілімінен ақшыл парик киген суреті мен видеосын жариялады.
"Тақырбас Қасқыр ма, әлде аққұба Қасқыр ма? Кімді таңдайсыз?" - деп жазды Волкановски.
Instagram-дағы бұл жарияланымды көру
Alexander Volkanovski (@alexvolkanovski) жариялаған жазба
Жазбаның пікір бөлімінде жартылай орта салмақтағы UFC чемпионы Ислам Махачев қысқа, бірақ көпшілікке таныс: "2-3" деген пікір қалдырды.
Оның бұл жауабы Исламның "Дағыстанға 2–3 жылға жіберіп, ұмыту керек" деген әйгілі сөзін білдірсе керек. Файтер бұл әзілді сұхбаттарында бірнеше рет айтқан және ол MMA жанкүйерлері арасында баяғыдан мемге айналған.
Скриншот: instagram.com
"2-3 years Dagestan" мемі қайдан шықты?
Бұл тіркесті Хабиб Нурмагомедов емес, оның шәкірті әрі жақын досы, жартылай орта салмақтағы UFC чемпионы Ислам Махачев айтқан. 2024 жылдың мамырында Даниэль Кормьеге берген сұхбатында ол ұлының күрес деңгейін көтергісі келсе, баланы Дағыстанға 2-3 жылға жіберу керек екенін айтқан болатын.
"Егер ұлыңның жоғары деңгейлі палуан болғанын қаласаң – оны Дағыстанға 2–3 жылға жібер де, ұмыт", - деді Махачев.
Әңгіме бүкіл чемпиондар шоғырын тәрбиелеп шығарған Дағыстанның қатал күрес және самбо мектебі туралы болды. Бұл үзінді тез арада интернет-мемге айналды.
2025 жылдан бастап ол TikTok пен Instagram желілерінде "нәзік" саналатындарға арналған әзіл-шыны аралас "ұсыныс" ретінде қолданылып келеді.
@farec30 Оны 2-3 жылға Дағыстанға жібер де, ұмыт #trending #core #dagestan #fyp #viralvideos ♬ түпнұсқа дыбыс - FRX
UFC чемпионы мансабын аяқтап, боксқа ауысу туралы шешім қабылдады
Чимаев титулдық жекпе-жек үшін UFC чемпионына миллион доллар төлемек