Алматыда “Жетісу-Семиречье” базары бұзылып жатыр
Алматыда "Жетісу-Семиречье" базары бұзылып жатыр. Бұл туралы қалалық әкімдіктің баспасөз қызметі хабарлады, деп жазады Tengrinews.kz.
Базар Түрксіб ауданының Қайрат шағын ауданында орналасқан.
Алматы қалалық қала құрылысын бақылау басқармасы тексеру барысында меншік иесінің рұқсат құжаттарынсыз жалпы ауданы 56,4 мың шаршы метр болатын сауда нысандарын салғанын анықтады.
"Меншік иесіне қатысты әкімшілік шаралар қолданылып, заңбұзушылықтарды жою туралы нұсқама берілді.
Талаптар орындалмағандықтан, басқарма Алматы қаласының МАЭК-не нысандарды бұзу туралы талап арыз түсірді, одан кейін сот талқылаулары басталды", - деп нақтылады ведомство өкілдері.
Алматы қалалық соты заңсыз нысандарды бұзу туралы шешімді күшінде қалдырды. Құжаттар орындау үшін әділет департаментіне жолданды.
Меншік иесі сот шешіміне сәйкес нысандарды өз бетінше бұза бастады.Қарағандыдағы көлік базарында өрт шықты