Таразда бокстан екі әлем чемпионы Қазақстан чемпионатының алтыны үшін айқасты
Таразда өткен турнирде танымал боксшылар алтын медаль үшін тартысты жекпе-жек өткізді.
Бірінші раундта Сейілхан басым түсті. Алайда екінші және үшінші раундтарда төрешілер Бегалиевке басымдық берді. Нәтижесінде Санжарәлі Бегалиев 3:2 есебімен жеңіске жетті.
Айта кетейік, екі боксшы да 2024 жылы жастар арасында әлем чемпионы атанған. Ол кезде Сейілхан 71 келіге дейінгі, ал Бегалиев 75 келіге дейінгі салмақ дәрежесінде топ жарған еді.
Instagram-дағы бұл жарияланымды көру
Kazakhstan Boxing Federation (@boxingkazakhstan) жариялаған жазба
Сейілхан қазіргі қарсыласынан екі жас кіші. Ол 20 жаста және әзірге жастар құрамасы сапында өнер көрсетеді. Ал Бегалиев Үндістанда өткен ересектер арасындағы Әлем кубогы кезеңінде қола медаль жеңіп алған.
Бұған дейін Қазақстан құрамасында 80 келіге дейінгі салмақ дәрежесінде Нұрбек Оралбай болған. Ол әлем чемпионы атанып, Олимпиада ойындарының финалына дейін жеткен еді. Алайда қазір Нұрбек ауырлау салмақ дәрежесіне ауысқан. Азия ойындарында осы салмақта тағы бір атақты боксшы Сабыржан Аққалықов өнер көрсетті. Дегенмен ол жүлдеге қол жеткізе алмады.
Бұған дейін жас боксшы Әділбек Қожахан жартылай финалда әлем чемпионы Оразбек Асылқұловты жеңіп, Қазақстан чемпионатының алтын медалін иеленген еді.