Татарстанда кабат җылыта
Татарстан Гидрометеорология һәм әйләнә-тирә мохитне күзәтү идарәсе мәгълүматларына караганда, бүген – 3 мартта, болытлы һава торышы хакимлек итәчәк. Кар, юеш кар, көндез карлы һәм пыскак яңгыр явачак.
Һава торышы бозылу сәбәпле, республика юлларында бозлавык хасил була. Иртән көчле җил исәчәк.
Бүген көндез һава температурасы Татарстанда 0-3 градус җылы булачак.
4 мартка каршы төндә юеш кар, яңгыр һәм пыскак яңгыр явар дип фаразланыла. Урыны белән томан төшә, юлларда бозлавык хасил була. Һава температурасы 3 градус салкыннан 1 градуска кадәр җылы булачак.