Яңа КЛИП Илфак Шиһапов һәм Айсылу арасындагы мөнәсәбәтләргә ачыклык кертерме?
Продюсер Илфак Шиһапов белән яшь җырчы Айсылуның эшли башлаганнарына 3 айлап кына әле. "Яшьләр-Онлайн" тапшыруында алып баручылар янәшә утыртканга гына танышканнар иде алар. Инде шул арада Айсылуга дистәләп җыр язган Илфак, концертлар оештыра.
Айсылу профессиональ җырчы. "Минем өч ноталык җырларны мондый дәрәҗәдәге җырчы башкаруы үземә дә бераз шок булды", - диде Илфак "Матбугат.ру" хәбәрчесенә.
Алар инде берничә дуэт та яздырып өлгергәннәр. Продюсер белән җырчы арасындагы мөнәсәбәтләр турында гайбәтләр күп йөри. Анысы безгә караңгы, ләкин әле генә бу тандем Айсылуга клип төшергән. Анда Илфакны да күрергә була.
Чыганак:http://matbugat.ru/news/?id=14194