Урдалыда оста куллы Хәдичә апа яши (фотолар)
Урдалы авылында кул эшенә оста хатын-кызлар шактый.
Хатын-кыз бит ул тегәргә дә, бәйләргә дә, чигү эшен дә белергә тиеш. Ә менә авылдашым Хәдичә апа Вагыйзова бу эшләрнең барысын да булдыра. Аның үз куллары белән чиккән мендәр тышлары күз явын ала. “Рәсемнәрен дә үзем уйлап чыгарып төшерәм,” - ди ул. Җепләрнең бик ачык, матур төсләрен сайлый. Моңардан тыш, матур-матур үрнәкләр белән башмаклар, роза чәчәкләре, урындык җәймәләре бәйли. Өйләренең кайсы почмагына карасаң да, хуҗабикәнең хезмәт җимешләре чагыла. “Кышкы озын кичләрдә нишләп бетәргә кирәк, гел-гел телевизор карау да туйдыра, ә кул эше җанга рәхәтлек бирә,тынычландыра”, - ди ул.
Әлфинур Галимова