Таксида үлә язган
Полиция хезмәткәрләре тыелган наркотик матдәләр кулланып, аның исереклегендә булган өч кешене тоткарлаганнар.
Моннан тыш шулай ук Казанда Мәүлетов урамында туктап торучы такси машинасында аңын югалткан бер яшь кешегә тап булалар. Егет синтетик наркотик кулланудан аңын җуйган булып чыга. Аның куртка кесәсендә наркотик матдә салынган кап та табыла. Егетне шифаханәгә алып китәләр. Барлык фактлар буенча да җинаять эше кузгатылган.