Казанда ЮХИДИ хезмәткәре кибеттән казылык урлаганда тотылган
Кибеткә килгән зыян 386 сум дип бәяләнгән.
Казанда ЮХИДИ хезмәткәре "Ашан" кибетеннән бер таяк казылык урлап чыкканда тоткарлана. Ул 386 сумлык казылыкны күренмәслек итеп кесәсенә тыкса да, кибетнең куркынычсызлык хезмәткәрләре каракны эләктереп ала. Хокук сакчылары тарафыннан җинаять эше дә кузгатыла.
Суд тарафыннан ЮХИДИ хезмәткәре гаепле дип табылды һәм аңа 120 сәгатьлек төзәтү эше билгеләнде. Мөгаен, карак хезмәткәрне эшеннән дә алганнардыр...