Татарстанда югалган 4 кешене эзләү дәвам итә [+ФОТО]
Чулман елгасында 5 кеше утырган көймә әйләнеп капланган иде.
Чистай районында 9 майда Чулман елгасында югалган 4 кешене эзлиләр. Аларны эзләргә 62 кеше чыккан. Араларында туганнары, волонтерлар һәм дәүләт органы хезмәткәрләре дә бар, диелә. Югалучыларны эзләү эшенә 12 берәмлек техника һәм 15 йөзү кирәк-ярагы җәлеп ителгән.
Ишеткән булсагыз, көймәдә булган бер кыз йөзеп баручы бүрәнәгә ябышып, исән калган иде. Ул су өстендә 7 сәгатьтән артык булган. Шуннан соң кызны балыкчылар күреп алган.