Лениногорск аграрийлары чәчүне тәмамлау алдында
Авыл хуҗалыгы идарәсеннән алынган мәгълүматка караганда, район хуҗалыкларында чәчү эше 90 проценттан артыгы башкарылган.
Хәзерге көндә солы, борчак, вика культуралары чәчеп бетерелгән. Язгы бөртеклеләр арасында иң күп мәйданнарны сабан бодае алып тора, ул 10 мең 872 гектарда булачак. Аның планнан тыш та артыгын чәчәргә исәпли хуҗалыклар. Югары керемле культуралардан – рапс, бөртеккә кукуруз, көнбагышны чәчү эше бара.