Зәй укучылары тантанада
Бүген Казанның физик культура, спорт һәм туризм буенча Идел буе дәүләт академиясендә укучыларның Бөтенроссия фән олимпиадалары йомгаклау этабы җиңүчеләрен, призерларын котладылар. Анда Дәүләт Советы Рәисе Фәрит Мөхәммәтшин, республика премьер-министр урынбасары- фән һәм мәгариф министры Энгель Фәттахов катнашты. Тантаналы чарага безнең районнан призлы урыннар алган укучылар һәм аларның укытучылары чакырылды. Алар: Әнзилә Нигъмәтҗанова ( 6 мәктәп, музыка укытучысы), Константин Җәлилов ( 6 мәктәп, XI сыйныф), Айсылу Шакирова ( Югары Пәнәче, IX), Әдилә Гыйбадуллина ( Югары Мәлем, XI), Гөлнара Арсланова ( 2 мәктәп, IX), Алсу Ибраһимова( 7, X), Вероника Алькина ( 7, X), Зоя Кондратьева ( 7, X), Альбина Галиева ( татар гимназиясе, IX), Динара Сәлимгәрәева ( татар гимназиясе, IX).