Россиядә террорчыларга махсус төрмә барлыкка килергә мөмкин
Террорчыларга аерым төрмә булдыру турындагы сүзләрнең моңа кадәр дә ишетелгәне булды инде.
Россиядә террорчылар өчен махсус төрмәләр пәйда булырга мөмкин. Бу хакта төрле инстанцияләрдә сөйләшүләр алып барыла, дип хәбәр итә "Известия". Әйтик, Россия Эчке эшләр министрлыгы һәм Куркынычсызлык советында әлеге мәсьәләне күтәреп чыкканнар. Әлеге сөйләшүләр турында Эчке эшләр министрлыгының экстремизмга каршы тору баш идарәсе вәкиле Денис Корников җиткергән.