Әлки районыныда терлекләрен басуда йөртүчеләрдән штраф түләтәләр
Терлекләре иген басуында йөргән хуҗаларга шактый суммада штраф түләргә туры киләчәк.
Күпме хезмәт, акча тотып үстерелгән иген басуларында терлекләрен йөртүчеләр табылып тора. Мал асрыйсың икән, ул я көтүдә йөрергә, я ябылып торырга тиеш. Ә иректә йөргән сыер, кәҗә, сарык өчен хуҗалары җавап тота. Район авылларында малларын иректә йөртүчеләргә карата кискен чаралар күрергә җыеналар. Терлек басуда йөри икән, хуҗасына штраф салына һәм игеннәргә салынган зыян өчен дә түләтелә. Ә бу сумманың шактый түгәрәк булуы бар. Гомумән, мал асрраучы билгеләнгән кагыйдәләргә буйсынырга тиеш.