Зәйдә чик сакчыларына һәйкәл ачылды (Фоторепортаж)
Зәйдә халыкара балаларны яклау көнендә Ринат Фәрдиев исемендәге паркның икенче өлешендә чик сакчылары хөрмәтенә һәйкәл ачылды. Район башлыгы Разиф Кәримов бу урын яшь буында патриотик хисләр тәрбияләүче тагын бер мөһим мемориаль объект булачак, дип белдерде, һәйкәл тирәсен тәртиптә тотуны чик сакчыларына йөкләде. Ә һәйкәлне, инде хәбәр иткәнебезчә, шәһәрдә яшәүче, хәрби хезмәтне чик сакчысы буларак үтүчеләр бергәләшеп финанслап, нәкъ менә шул урында булдыруны район җитәкчелеге белән килешенеп, рәссам-скульптор Фазыл Шиапов ярдәме белән сафка бастырдылар.