Үлгән хатынның 4 айдан соң баласы туган
Ханымның кыш айларында башына кан сава, табиблар 20 февральдә аның бакыйлыкка күчүен раслый.
Ә менә карынындагы бала үзен яхшы хис итә, үсеш алуын дәвам итә. Шуңа күрә туганнары баланы саклап калуларын сорый. Сабый йөклелекнең 32 нче атнасында кесарев кисеме ярдәмендә дөньяга килә. Португалия өчен бу вакыйга рекорд булып санала. Моңа охшаш хәлләр соңгы араларда еш күзәтелә башлаган. Ике ай элек Польшада да баш мие үлгән ананың баласы тууы билгеле.