Яшүсмер социаль челтәргә турыдан-туры трансляция ясап, бер хатынны үтергән
Социаль челтәрдә утыручылар әлеге җинаятьне карап торган һәм полициягә хәбәр иткән.
Коми республикасында яшәүче яшүсмер әлеге ханым белән спиртлы эчемлек кулланганнан соң, алар арасында бәхәс чыга. Ул кызган хәлдә пычак алып шешәдәшенә 50 тапкыр кадый һәм бу вакыйганы трансляцияли.
Моннан тыш, үтерүче ханымның 12 яшьлек кызына яный. Җинаять урыныннан ул йорттагы кыйммәтле әйберләрне урлап чыгып китә. Аңа карата “Үтерү”, “Үтерү белән янау”, “Урлашу” маддәләре буенча җинаять эше кузгатылган. Озакламый ул суд алдына басачак, яшүсмергә 10 елга кадәр ирегеннән мәхрүм ителү яный.