Әлки районы башлыгының Мактау грамотасы белән бүләкләнделәр
Җинаятьчелек белән көрәш эшенә керткән өлеше, югары профессиональлеге, хезмәт вазыйфаларын намус белән үтәве һәм ирешкән уңышлары өчен Россия Тикшерү комитетының Татарстан буенча тикшерү идарәсе Нурлат районара тикшерү бүлеге җитәкчесе урынбасары Илнур Камил улы Җәлалов район башлыгы Александр Никошинның Мактау грамотасы белән бүләкләнде.
**
Польшаның Гдыня шәһәрендә узган Европа беренчелегендә Россия җыелма командасы составында күрсәткән югары спорт нәтиҗәләре өчен “Алинә” универсаль спорт залы тренер-инструкторы Газинур Наил улы Фәттахов район башлыгы Александр Никошинның Мактау грамотасы белән бүләкләнде.
Европа беренчелегендә Газинур гер спорты буенча ике алтын медаль яулады.