Ахырзаман! Ир-ат iPhone смартфонына өйләнгән [+ФОТО]
Шулай итеп ул җәмәгатьчелекне шаккатырган.
Америкада яшәүче Аарон Червенак Лас-Вегастагы чиркәү вәкилләрен дә аптырашта калдырган. Лас-Вегаста, гомумән, теләсә нинди пар тиз арада язылыша ала. Шуңа да дөньяның төрле почмагыннан тиз генә өйләнешергә теләүчеләр бирегә килә. Кәләш бу юлы аеруча да үзенчәлекле була. Кияү бу адымын хәзерге заманда һәркемнең үз смартфонына бик нык бәйле булуы белән аңлата. Телефон тәүлек әйләнәсенә хуҗасы белән: ул аның белән йокларга ята, уяна, бөтен серен белән шуның аша уртаклаша, биредә үк истәлекле фотоларын, смс-хәбәрләрен саклый. Аарон сүзләренчә, бу шул ук өйләнешү.