Әлмәттә депутатлыкка кандидатның сайлау алды баннерларын урлаганнар
9 сентябрьдә 27 нче Девон бер мандатлы сайлау округы буенча ТР Дәүләт Советына депутатлыкка кандидат, “С Вами” газетасы мөхәррире Марат Корбанов Әлмәттә 6×3 зурлыгындагы 5 сайлау алды баннеры югалуына тап булган.
Баннерлар кичә, Татарстанның Югары суды тарафыннан кандидатның үз көндәше – “Бердәм Россия” партиясе әгъзасы Николай Кольгинны сайлауларга теркәүдән сызып ташлау турындагы гаризасын тикшергән көндә югалган. Корбанов Кольгинның ТР ЦИКта аккредитация узмаган фирмаларда ясаткан агитация материалларын алып ташлавын сораган иде, дип хәбәр итә business-gazeta.ru