Чаллыда ире хатынының умыртка сөяген сындырган
Ике арада мөнәсәбәтләрне ачыклаганнан соң, 44 яшьлек хатынны шифаханәгә китерәләр. Ире аның башына зур зыян китерә һәм умыртка сөяген сындыра.
Полиция хезмәткәрләре 56 яшьлек ирне тоткарлый. Аның сүзләренә караганда, ир белән хатын спиртлы эчемлек куллангач, алар арасында бәхәс башлана һәм ир аны кыйный. Бу уңайдан хәзерге вакытта җинаять эшләре кузгатылган, дип хәбәр итә www.chelny-izvest.ru сайты. Гаепләнүчегә 8 елга кадәр ирегеннән мәхрүм итү яный. Ул элек тә урлашу өчен хөкем ителгән булган.