«Татнефть» читтә икенче МФЗ сервис үзәген ачты
«Татнефть» бренды астында Воронеж өлкәсендә икенче юл буе сервисы күпфункциональ үзәге (МФЗ) ачылды.
Яңа МФЗ М4 «Дон» автоюлында – «Татнефть»нең июнь аенда гына ачылган МФЗсы каршында урнашкан, дип хәбәр итә компаниянең матбугат хезмәте.
МФЗ автомобильләргә ягулык салу комплексының өзеклекләрсез эшләвен тәэмин итүче өр-яңа системалар белән җиһазландырылган. «Россия автомобиль юллары» («Автодор») һәм «Татнефть» күптән түгел юл буе инфраструктурасын үстерү өлкәсендә хезмәттәшлек турында килешү төзегәннәр.