Зәй укучылары патриотик җырлар республика бәйгесенә әзерләнә

Зәй мәгариф идарәсе мәктәп укучылары арасында патриотик җырлар башкару осталарын ачыклау йөзеннән, махсус дискларга яздырылган балалар җырларын кабул итә. Иң яхшы чыгышлар сайлап алынып, республика конкурсына җибәреләчәк. Моңа кадәр әлеге бәйгедә педагог Ольга Павлова кул астында шөгыльләнгән балалар призлы урыннары белән сөендереп килде. Быел да патриотик рухтагы җырларны башкаруда Зәй укучылары сынатмас, ди идарә белгечләре.