Балалар арасында матурлык бәйгеләрен тыярга мөмкиннәр
Дәүләт Думасы декабрьдә балалар арасында матурлык конкурсларын тыючы закон проектын беренче укылышта караячак.
Парламентарийлар фикеренчә, мондый чаралар балалар психикасына тискәре йогынты ясый. Закон проектында билгеләнгәнчә, әлеге гамәлләр өчен ата-аналар һәм укытучылар 5 мең сумга штрафка тартылачак. Ә юридик затларны катгыйрак җәза көтә - алар 1 миллион сум акчаларын чыгарып салырга тиеш булачак.
Балигъ булмаганнар арасында матурлык конкурсларын тыю фикере февраль аенда ук яңгыраган иде. Экспертлар андый чараларның бернинди яхшы ягы да юк дип саный.