Зәйдә төнлә тагын бер юл фаҗигасе булды
Кичә төнлә Зәй – Түбән Кама юлының Аксар авылына якын урынында “КамАЗ автомобиле юл читенә әйләнә. Йөк машинасын йөртүче кырдан шикәр чөгендере ташу белән мәшгуль була. ЮХИДИ хезмәткәрләре белдерүенчә, машина йөртүче, тизлек режимын контрольдә тотмау сәбәпле, начар һава торышы шартларында асфальт юлдан шуып читкә чыга һәм әйләнә. Бәхеткә, машина йөртүче тән җәрәхәтләре алмый, ә төялгән йөк чәчелеп, әрәм-шәрәм була.