Бәйрәмнәр белән!
Хөрмәтле лениногорскилылар! Халыклар бердәмлеге һәм республика Конституциясе көне уңаеннан ихлас тәбрикләүләр кабул итеп алыгыз.
Әлеге ике бәйрәм дә безнең өчен мөһим. Без – лениногорскилылар, дус һәм ныклы гаилә булып яшибез, эшебез белән бербөтен булуны раслыйбыз, төрле милләт халыкларының гореф-гадәтләрен хөрмәт итәбез. Бердәм булганда гына без көчле, башлаган эшләребез уңыш китерә. Төрле милләт халыкларының бер-берсе белән дус, тату яшәве, бер максатка омтылуы район, шәһәр, республика һәм илебез үсешенең нигезе булып торсын.
Хөрмәтле лениногорскилылар, сезгә чын күңелдән бәхет, сәламәтлек, эшегездә уңышлар, киләчәккә ышаныч телим.
Рәгать ХӨСӘЕНОВ,
муниципаль район башлыгы, шәһәр мэры