Новости за 11.11.2018

Аԥсны ажурналистцәа Реидгыла ахантәаҩы Руслан Ҳашыг арадио Sputnik аефир аҟны дазааҭгылеит Урыстәыла ажурналистцәа реидгылаҟны анапы зҵаҩҩхо аиқәшаҳаҭра аҵакы.

Ҭагалан беиоуп адгьылқәаарыхра иадҳәалоу аныҳәақәа рыла. Аҧсуа жәлар рамзар аҟны арҭ аныҳәарақәа рцикл хыркәшахоит "Аамҭахә" ("аамҭа ахәы"), мамзаргьы "Сынтәа ҳазмадоу" ҳәа ахьыӡшьара змоу аныҳәарала. "Аамҭахә" аныҳәара шымҩаԥырго атәы дазааҭгылоит Нарҭдырреи адәынтәи афольклорҭҵаареи рцентр аҭҵаарадырратә усзуҩы Есма Ҭодуаԥҳа.

Фазиль Искандер ихьӡ зху Аурыс драматә театр аҿы идырбаy Карл Гальдони иҩымҭала ақәыргыламҭа "Кьоџьаа рҭыӡшәа".

Аԥсшәа онлан идзырҵо арҵаҩы Аза Шамԥҳа арадио Sputnik Аԥсны аефир аҟны иазгәалҭеит акурсқәа злашьақәгылоу жәаа урок анхыркәшахалак, зҵара иацызҵар зҭаххо ус еиԥш алшара рыҭара иазхәыцхоит ҳәа.

Аиашьара ачара аура Аԥсны ианалагази, Ҭырқәтәыла ишымҩаԥысуеи, ҵакыс иамоуи далацәажәеит Дырмит Гәлиа ихьӡ зху Аԥсуаҭҵааратә институт аиҳабы, аетнолог Арда Ашәба.

Гал араион ақыҭанхамҩа аусбарҭа аиҳабы Ҭамаз Ҵәыџьба арадио Sputnik аефир аҟны иҳәеит араион аҟны сынтәа аарыхрақәа реиҳарак реиқәырхара рылшеит ианаамҭаз имҩаԥыргаз ахәшәтәрақәа ирыбзоруаны ҳәа.

Иахьа Аԥсны ирҭиуа еиҳараӡак Урыстәылатәи аалыҵқәа роуп, аха иҟан аамҭақәак дара рыуаажәлар ҳара ҳҿы иааны ианхәаахәҭоз, уимоу атауар еимакны ианеисуаз.

Британиатәи Кавказҭҵааҩ, мрагыларатәи ашколқәеи Лондонтәи ауниверситет африкантә ҭҵаарақәа рпрофессор Џьорџь Хьиуитт хыԥхьаӡара рацәала аҭҵааратәи апублицистикатәи усумҭақәа дравторуп. Аԥсныи Мраҭашәаратәи Европеи ринтересқәа дрызҿлымҳауп. Ианашьоуп иреиҳау аҳәынҭқарратә ҳамҭа "Ахьӡ-Аԥша" аорден. Абҵарамза 11 аҽны Џьорџь Хьиуитт иихыҵит 68 шықәса.

Аԥсны ашәҟәыҩҩцәа Реидгыла ахантәаҩы Вахтанг Абҳазоу арадио Sputnik аефир аҟны иҳәеит Ӡаӡ Дарсалиа ихьӡ зху ауаажәларра-литературатә премиазы аицлабра шрылаҳәоу.