Sputnik акорреспондент Сариа Кәарцхьиаԥҳа ҭелла ажәабжь аалыцҳаит Аԥснытәи ажурналистцәа рзы Ҟрымҟа иеиҿкаау атур шымҩаԥысуа. "Ҟрымтәи аекспедициа. Зегьы лабҿаба" апрограмма аҳәаақәа ирҭагӡаны мшаԥы 19 инаркны 23-нӡа Аԥснытәи ажурналистцәа адгьылбжьахалаҟны иҟазаауеит.
Аԥсуа радио аԥсуа редакциа аиҳабы Амра Аџьынџьал Sputnik акорреспондент Сырма Ашәԥҳа илзеиҭалҳәеит амҳаџьырра Ҭырқәтәылаҟа иагаз, аха Аԥсныҟа ахынҳәра зылзыршаз, Ҷлоу ақыҭа Аимара аҳаблан инхо Џьынџьалаа зхылҵшьҭроу Басиаҭ Џьынџьал ифырхаҵаратә ҭоурых.
Адунеи иқәынхо ауаатәыҩса рыҟнытә дазусҭзаалак аӡәы далкаан дыгәцараукыр, егьырҭ дызлареиԥшым аҟазшьақәа, мамзаргьы ҟыбаҩк идумбалар залшом. Sputnik аколумнист Сусанна Ҭаниаԥҳа аскульптор қәыԥш Асҭан Ломиа илоу абаҩхатәра атәы ҳадылгалоит.
Аԥсны Адәныҟатәи аусқәа рминистрра ирықәыӡбеит ланка жәлар ирзыруз атеррористтә актқәа.
Ауаажәларратә усзуҩ Октаи Ҷкотуа арадио Sputnik Аԥсны аефир аҟны дигәалаиршәеит Ҭырқәтәылатәи аԥсуа диаспора иналукааша ахаҭарнакцәа иреиуоу Ирфан Аргәын. Еицырдыруа ҳџьынџьуаҩ диижьҭеи иахьа 85 шықәса ҵит.
37-тәи ашықәсқәа раан Гагра Абааҭатәи абахҭа ҳәа изышьҭаз НКВД иатәыз ахыбреи аҵакырадгьыли арыцқьара иаҿуп, анаҩс ари аҭыԥ амузеи алхразы.
Адунеи аиашахаҵаҩцәа зегьы Амшаԥныҳәа иаԥылоит мшаԥымза 28 рзы.
Аԥсуаҭҵааратә институт аиҳабы, аетнолог, афольклорист Арда Ашәба арадио Sputnik аҟны еиҭеиҳәеит Мшаԥныҳәа мчыбжьык шагу аԥсуаа жәытә аахыс иазгәарҭо аныҳәа атәы. Ақьырсиан иашахаҵараҟны ари амш Иаса Қьырса Иерусалим иалалара ҳәа иазгәарҭоит.
"Аӡырга-хәаша", "Қәаб-ӷьарӷьар", "Баииа", "Чхадыл" - абас еиҧш иҟоу ақьабзқәа рыла ибеиоуп Амшаҧы ааира аҽазыҟаҵара иазку аҵыхәтәантәи амчыбжь. "Шәышықәса рышьҭахьгьы абри еицазгәаҳҭо Анцәа ҳнаишьҭааит!" ҳәа ирныҳәон рхы-рҭаацәа. Аира иасимволу акәтаӷьи амшаҧышәҭи рыла Аҩеиӡтә мҽышазы аҧсуаа имҩаҧырго Амшаҧныҳәа аламҭалазтәи аҵыхәтәантәи ақьабзқәа дырзааҭгылоит Нарҭдырреи адәынтәи афольклорҭҵаареи рцентр аҭҵаарадырратә усзуҩы Есма Ҭодуаԥҳа лматериал аҟны.
Адунеи иқәу ажәларқәа рҭоурых аибашьра аҭоурых акәгәышьоуп. Ирԥхьаӡахьеит - ауаатәыҩса 5500 шықәса рыла еибашьрада ирхыргаз 295 шықәса роуп ҳәа. Ишԥазыҟаз аԥсуа жәлар, иааидкыланы Кавказ ажәларқәа реиԥш, аибашьреи ахаҵареи, ишԥарааӡоз рҵеицәа, иара убас иахьатәи тенденциақәаки ртәы далацәажәоит Sputnik аколумнист Аԥсуаҭҵааратә институт аетнологиеи антропологиеи рыҟәша аҭҵаарадырратә усзуҩ, ААУ адоцент Марина Барцыцԥҳа.
Аԥсны Акультуреи аҭоурых-культуратә ҭынха ахьчареи рминистр Ельвира Арсалиаԥҳа арадио Sputnik аҟны еиҭалҳәеит агеоинформациатә система лшарақәас иаанартуа.
