Ацентртә алхратә комиссиа ахантәаҩы Ҭамаз Гогьиа Sputnik Аԥсны иаиҭаз аинтервиу аҿы еиҭеиҳәеит Аԥсны ахада иалхрахь акандидатцәеи аԥшьгаратә гәыԥқәеи ашәҟәы рҭагалара раԥхьатәи амш шымҩаԥысыз атәы.
"Ажәеиԥшьаа-2019" захьӡу ахәыҷқәа рлагер мҩаԥысуеит Ауадҳара ԥхынгәымза 22 инаркны, абри атәы иҳәеит Аԥсны Аҳәынҭқарра аҵареи аҭҵаарадырреи рминистр Адгәыр Какоба ажурналист Сырма Ашәԥҳа даниҿцәажәоз.
Аҿартә политиказы аҳәынҭқарратә еилакы аспециалист Валери Берзениа Sputnik арадиостудиаҿы еиҭеиҳәеит анаркоманиа атемала аилак имҩаԥнаго аусура атәы.
Украина атәылауаа Аԥсныҟа туристцәақәак рыҳасаб ала иааиит. Дара аанкылоуп анаркотикқәа рыларҵәара мҩаԥыргон ҳәа агәызҩыразы.
Хра злоу ахҭысқәа - иалкаау аполитикатә, асоциалтә, акультуратә хҭысқәа. Ҳара урҭ ҳрылацәажәоит, ахәшьара аҳҭоит, алкаа рзыҟаҳҵоит.
XI дзиудо азы Жәларбжьаратәи атурнир "Аԥсны Ахраҿа" иалахәхоит Аԥсны, Урыстәыла, Донецктәии Лугансктәии ареспубликақәа рыспортсменцәа.
Аԥсуа телехәаԥшра ажурналист, анаркоманиа иазку адырраҭара "Независимость" автор Наала Мықәԥҳа Sputnik аефир аҿы еиҭалҳәеит апроект аус адулараҿы иарбан уадаҩрақәоу илымаз, насгьы хаҭала лара илнаҭаз атәы.
Ахәбатәи жәларбжьаратәи арра-техникатә форум "Армия-2019" мҩаԥысраны иҟоуп рашәара 25 - 30 рзы Москватәи аобласт апарк "Патриот" аҿы (аҳаиртә баӷәаза Кубинка, аполигон Алабино).
Гагра, рашәара 24 ауаҩԥсы иԥсыбаҩ рбеит.
Аҩбатәи европатәи ахәмаррақәа мҩаԥысуеит Минск, рашәара 21 - 30 рзы.
Рашәарамза 25 рзы Самсон Ҷанба ихьӡ зху аԥсуа драматә театр асценаҿы идырбан "Аԥсуа литература ашедеврқәа" ахԥатәи ақәыргыламҭа. Аԥсуа поезиа даҽа зныкгьы асценатә ԥсҭазаара шаҭахаз, ахәаԥшцәа ишрыдыркылаз атәы ианҵамҭаҿы еиҭеиҳәоит апроект зҽалазырхәыз Sputnik акорреспондент Аинар Ҷыҭанаа.
Аԥсуаа жәытә-натә аахыс аԥхын ашоураз ианшабоз иржәуаз ацхаӡҩеи ахарҵәыӡҩеи хәарҭарас ирылоузеи, насгьы аӡба данакуа ишабара аанакылоума, абри атәы арадио Sputnik аефир аҿы лгәаанагара лҳәеит ареспубликатә хәышәтәырҭа атерапиатә ҟәша аиҳабы Анжела Арҷелиаԥҳа.
Рашәара 25 рзы имҩаԥысит Аԥсны Жәлар реизара асессиа.
