Новости за 02.09.2019

Апрофессионалтә балалаикарҳәаҩ Андреи Кириаков иконцертқәа Аԥсны имҩаԥысраны иҟоуп цәыббра 3 - 6 рзы.

1829 шықәса, цәыббра 2 рзы Урыстәылеи Ҭырқәтәылеи Адрианопольтәи атынчратә еиқәшаҳаҭра рнапы аҵарҩит, уи иалҵшәаны шаԥсыӷааи аублааи ахьынхоз адгьылқәа Урыстәыла иадлеит, абасалагьы ихыркәшахеит 1828-1829 шш. рызтәи аурыс-аҭырқәа еибашьра. Абри ахҭыс шыҟалаз атәы арадио Sputnik Аԥсны аефир аҿы еиҭеиҳәеит аҵарауаҩ, аҭоурыхҭҵааҩ Сослан Салаҟаиа.

Аҵарадырра амш аҽны, 4743-ҩык ахәыҷқәа рзы, Гагра араион аҟны игеит раԥхьатәи аҵәҵәабжьы

Цәыббра 2, 1990 шықәса рзы Тирасполь адепутатцәа ирыдыркылеит Приднестровие-Молдавиатәи Ареспублика ашьаҭаркразы Адекларациа.

Агәыҳалалратә еиҿкаара "Кьараз" анагӡаратә директор Кадыр Аргәын арадио Sputnik Аԥсны аефир аҿы еиҭеиҳәеит ацхыраара зҭаху аҭаацәарақәа рзы ашколтә маҭәахәқәа рыла ахәыҷқәа реиқәыршәара шалыршахаз атәы.

Аӡхагалагатә станциаҿ аҭыԥ зауз авариа иахҟьаны ашәахьа, цәыббра 2 рзы аҳҭнықалақь ӡыда иаанхеит.

Аҽгәаратәи абжьаратә школ аҿы аремонттә усурақәа ирылагеит 2018 шықәсазы.

Москва Амш азгәарҭараны иҟоуп ВДНХ асабша, цәыббра 7 рзы.

Платон Шьаҟрыл ихьӡ зху Лыхнытәи ашкол аремонт иалагеит 2017 шықәса рзы. Аинвестициатә программа аҳәаақәа ирҭагӡаны иазоужьын 113 миллион мааҭ.

Аԥсны Аҵареи аҭҵаарадырреи рминистрра адыррақәа рыла, ҳтәылаҿы актәи акласс ахь сынтәа ицоит х-нызқьҩык рҟынӡа аҵаҩцәа.

Аполитикеи, аекономикеи, акультуреи, асоциалтә ԥсҭазаареи ирызку иактуалтәу атемақәа ҳрылацәажәоит, аимак-аиҿак зхылҿиауа азҵаарақәа шьҭаҳхуеит. "Коӷониаԥҳа лымҩаду" илыцануп ҳаԥсҭазаараҿы иҟалало ахҭысқәа рзы еиуеиԥшым агәаанагарақәа змоу ауаа. Апроблемақәа иаартны ирылацәажәоит.

Очамчыра араион Аҵара аҟәша аиҳабы Феликс Џьынџьиа арадио Sputnik Аԥсны аефир аҿы еиҭеиҳәеит араион ашколқәа аҵарашықәс ҿыц иахьынӡазыхиоу.

Адрама "Шьапыла" Аԥсуа театр аҿы, Лев Толстои ирҿиамҭақәа ирылху аспектакль РУСДРАМ аҿы, акомедиа Аҿар ртеатр аҿы. Абарҭ зегь аныԥшуеит Sputnik Аԥсны афиша.