Miqrantlar boş tövlələrdə qalır
Miqrantların çoxu qışı sərhəd yaxınlığındakı boş fermalarda keçirməkdədir.
Ferma sahibləri olan yerli sakinlər bu yaxınlarda miqrantları Backi Vinogradi-dən qovublar, mülkiyyəti xarab etdiklərini bildiriblər.
Sərhəd yoxlamaları kəskinləşdiyindən, 2015-ci ildə Avropa Birliyinə aparan “Balkan marşrutu” bağlandığından minlərlə miqrant və qaçqın Serbiyada qalıb.
Macarıstan 2015-ci ildə sərhədini tamamilə bağlayıb, o vaxtdan gündə yalnız 10 adama, əsasən də ailələrə Serbiyadan sərhədi keçməyə icazə verilir.
Serbiya humanitar qruplarının məlumatına görə, bu ölkənin rəsmi miqrant düşərgələrində 4 minədək adam yaşayır.
Ancaq bu düşərgələrdən kənarda 500 nəfərin də yaşadığı bildirilir. Onlar deportasiya olunmaqdan qorxaraq gizlənirlər.