Qarabağ müharibəsində gah “bufer zona”ya, gah da cəbhə xəttinə çevrilən qəbiristanlıqlar – Səxavət Məmməd yazır
Ağdam işğal ediləndə cəmi 6 yaşım vardı. Ağdamla, kəndimiz Yusifcanlı ilə bağlı xatirələrim bir uşağın yaddaşına sığacaq qədər idi. Şəhərdəki Cümə məscidini, Çay evini, "İmarət" stadionunu, Qarağacı qəbirstanlığını çox az xatırlayırdım. Kəndimiz Yusifcanlını xəyalımda diri tutan xatirələri isə qoruyurdum. Onları tez-tez xatırlayırdım ki, nə zamansa kəndimizə qayıtsaq, o xatirələrin izini tapa bilim.