Portuqaliyanın baş məşqçisi: Azərbaycan bizə qarşı yaxşı oynayacaq
Millimiz DÇ Seçmələri çərçivəsində sabah Portuqaliyanı qəbul edəcək.
ONBİR görüşdən öncə rəqib komandanın baş məşqçisi Fernando Santos`un fikirlərini təqdim edir:
“Rəqibin heyətində heç bir futbolçunu ayrılıqda analiz etməmişik. Azərbaycan millisinin yaxşı baş məşqçisi var. Bu oyunda da bizə qarşı yaxşı oynayacaqlar.
Azərbaycan millisi müdafiədə yaxşı oynayır. Amma yarımmüdafiə xəttində də pis təsir bağışlamırlar. Bəzən müdafiədə 6-7 futbolçu yer alır. Bununla belə, heyətdə yaradıcı oyunçuları da var. İstənilən vəziyyətə hazırıq. Sabah meydana da bu düşüncə ilə çıxacağıq.
Ganni de Biasi Albaniyanı AVRO-2016-nın final mərhələsinə yüksəltmiş mütəxəssisdir. O, heç vaxt bir topdan artıq fərqlə uduzmayıb. Ümid edirəm ki, sabah fərqli olacaq. Bu komanda tam müdafiəyə da qapanmır. Rəqibimiz Serbiya və İrlandiya ilə matçlarda da bacarıqlı komanda olduğunu göstərdi. Çalışacağıq Azərbaycana qarşı yaxşı təşkilatlanmış komanda kimi oynayaq. Fikrimiz, oyunda olacaq, nəinki rəqibin tək-tək oyunçularında. Azərbaycan bütün variantlarda oynamağa hazır komandadır. Sabahkı oyunda uduzmaq barədə düşünmürəm”.
Qeyd edək ki, saat 20:00-da start götürəcək qarşılaşmanı CBC Sport`la yanaşı, saytımız vasitəsilə də izləyə bilərsiniz.