2631 yeni yoluxma, 1989 sağalma
Son sutka ərzində Azərbaycanda koronavirus (COVID-19) infeksiyasına 2 min 631 yeni yoluxma faktı qeydə alınıb.
Bu barədə noyabrın 7-də Nazirlər Kabineti yanında Operativ Qərargah məlumat yayıb. Məlumatda bildirilir ki, virusa yoluxanlardan 1989 nəfəri sağalıb. COVID-19 üçün götürülən analiz nümunələri müsbət çıxan 28 nəfər isə vəfat edib.
Qərargahın açıqladığı məlumatda indiyədək Azərbaycanda ümumilikdə 547 min 281 nəfərin koronavirus infeksiyasına yoluxması faktı müəyyən edilib, onlardan 507 min 756-sı sağalıb, 7 min 269 nəfəri vəfat edib, aktiv xəstə sayı 32 min 256-ya yüksəlib.
Xatırlatma
2019-cu ilin sonlarında dünyada yeni koronavirus aşkar edilib. 2020-ci il martın 11-də Dünya Səhiyyə Təşkilatı koronavirusu pandemiya elan edib. Dünyada sürətlə yayılan bu virusdan indiyə qədər 5 milyondan çox adamın öldüyü açıqlanıb.