Azərbaycanla Macarıstan arasında idman əlaqələri müzakirə edildi
Gənclər və idman naziri Fərid Qayıbov Macarıstanın Azərbaycandakı fövqəladə və səlahiyyətli səfiri Tamaş Yojef Torman ilə görüşüb.
AZƏRTAC Gənclər və İdman Nazirliyinə istinadla xəbər verir ki, nazir F.Qayıbov səfirə ölkəmizdəki gənclər və idman siyasətinin prioritet istiqamətləri barədə məlumat verib.
Görüşdə iki ölkə arasında gənclər siyasəti və idman məsələləri sahəsində əməkdaşlıq məsələləri müzakirə edilib. Azərbaycanla Macarıstan arasında müvafiq sahələrdə əməkdaşlığın genişləndirilməsi barədə fikir mübailəsi aparılıb.
Görüşdə səfirliyin birinci katibi Monika Felföldi də iştirak edib.