Перадача другая.Удзельнічае журналіст, моладзевы актывіст Францішак Вячорка.Эфір 12 ліпеня 2010 годуВячаслаў Ракіцкі: "Хлеб, соль, вада—салдацкая яда", "Салдату тры дзенежкі ў дзень — куды хочыш, туды дзень". З майго гледзішча, вельмі характэрныя прыказкі пра матэрыяльны стан салдата, ягоны, так бы мовіць, дабрабыт. А сёньня яны актуальныя для беларускага войска?Францішак Вячорка: Салдацкі заробак – 24560 рублёў у месяц. Гэта 7 пачак цыгарэтаў і 3 пачакі лузанцаў, альбо палка каўбасы. Зарабіць пару тысяч можна было на пахаваньнях, куды пару разоў на месяц запрашалі салдатаў у якасьці салютнай групы. Найчасьцей бацькі дасылалі грашовыя пераводы. Ежа вельмі сьціплая, а сёлета з Мазыра зьнялі чарнобыльскую зону, пайку скарацілі ўдвая. Пярлоўка ці сечка, кавалак каўбасы ці смажаная рыба, акраец хлеба, гарбата. Часам давалі яйкі і малако. У Баранавічах ежа была чарвівая і неядомая, пачалі скардзіцца. Намесьнік па тылу сабраў тых, хто адмовіўся есьці, і сказаў: “Ня тое чарвяк, што мы ядзім, а тое чарвяк, што нас есьць”. Усіх пакармілі ў прымусовым парадку. Салдатчына"Воін ізьняможа, і сьвіньня пераможа""Салдат тым гладак, як паеў, то і набак""Салдат — чортава карова: адзін дой, а два з колам стой" "Абмоткі салдата не саромяць""Салдату трошкі трэба: солі драбок ды хлеба шматок""Ракрутова жана — не дзяўчына, ня ўдава""Або грудзі ў крастах, або галава у кустах""Без каманды войска гіне""Пуля ў мяшок, а трасца ў гаршок""Язык ня сьцяг, а дружыну водзіць""Салдат — ваўку брат""Каб вас у салдаты бралі, то б з вас былі людзі""А ў нашага камандзера няма ні парткоў, ні мундзера"“Вайна каму вяроўка, а каму — дойная кароўка»«Пасьля раці многа храбрых» “Лепш дачка прастытутка, чым сын яфрэйтар”“Чыстыя пагоны – чыстае сумленьне”“Нашто нам гэтыя пісталеты, калі страляць ня ўмеем?”“Галоўная салдацкая зброя – швабра”“Хто можа быць разумнейшы за прапаршчыка? Толькі старшы прапаршчык!”
