Слонімцы падбіраюць месца для бюста Агінскаму
Слонімскі мэцэнат і прадпрымальнік Уладзімір Вількіцкі актыўна працуе над бюстам грамадска-палітычнага дзеяча Рэчы Паспалітай, музыканта, мэцэната і паэта, былога слонімскага старосты Міхала Казіміра Агінскага, які ў другой палове XVIII стагоддзя меў у Слоніме свой знакаміты на ўсю Еўропу тэатр. Ужо зроблены макет бюста Агінскага, над якім працуе Уладзімір Вількіцкі.
Помнік Агінскаму плануюць паставіць у Слоніме сёлета да 1 верасня – Дня беларускага пісьменства і друку. Цяпер слонімцы на сайтах разважаюць, дзе найлепш будзе пасаваць помнік Агінскаму ў Слоніма. Адны прапаноўваюць паставіць у цэнтры горада, недалёка ад тэатра, іншыя – каля канала Агінскага… Прапаноў шмат. Але галоўнае, каб помнік-бюст з’явіўся ў старажытным горадзе над Шчарай.
Барыс Баль, Беларускае Радыё Рацыя, Слонім