У Турцыі плануюць увесці падатак на пражыванне ў гатэлях
Чакаецца, што плата складзе 2 працэнты ад кошту пражывання. Змяненні ў заканадаўства могуць уступіць у сілу ў красавіку 2020 года.
Вялікі нацыянальны сход Турцыі разглядае ўвядзенне падатку на пражыванне ў гатэлях, паведамляе ТАСС са спасылкай на газету Hurriyet.
Чакаецца, што плата складзе 2 працэнты ад кошту пражывання. Змяненні ў заканадаўства могуць уступіць у сілу ў красавіку 2020 года.
Адзначаецца, што прадстаўнікі сферы турызму і некаторыя турэцкія палітыкі выказваюць апасенні наконт новаўвядзенняў. Выказваюцца меркаванні, што падатак павінен дзейнічаць толькі ў адносінах да замежных турыстаў і не мець дачынення да грамадзян Турцыі.
Ініцыятарам закона выступіла Партыя справядлівасці і развіцця (ПСР), якую ўзначальвае прэзідэнт Турцыі Таіп Эрдаган. Новы падатак будзе аплачвацца непасрэдна пастаяльцамі гатэляў і іншых памяшканняў, што здаюцца ў арэнду.