У Польшчы могуць увесці абмежаванні ў сувязі з ростам эпідэміі каронавіруса
Пра гэта паведаміў намеснік міністра аховы здароўя Польшчы Вальдэмар Краска.
У сувязі з ростам эпідэміі каронавіруса нельга выключыць увядзення абмежаванняў, паведаміў намеснік міністра аховы здароўя Польшчы Вальдэмар Краска.
Ён зазначыў, што многія людзі несур’ёзна адносяцца да абавязку насіць ахоўныя маскі. Паводле Краскі, вялікія скапленні людзей таксама выклікаюць у яго, як лекара, вялікую занепакоенасць.
Віцэ-міністр падкрэсліў, што Міністэрства аховы здароўя знаходзіцца ў пастаянным кантакце з паліцыяй, галоўным санітарным інспектарам Польшчы і муніцыпальнымі службамі правапарадку па пытанні ўзмацнення жорсткасці кантролю. Краска зазначыў, што парушэнне правіл часу эпідэміі караецца высокімі штрафамі.
Фота: twitter.com/PolskiSenat